बगलामुखी कवच
 |
| बगलामुखी कवच |
|| पार्वत्युवाच ||
ॐ कैलासाचलमध्यगं पुरहरं शान्त त्रिनेत्रं शिवं
वामस्था कवचं प्रणम्य गिरिजा भूतिप्रदं पृच्छति |
देवी श्रीबगलामुखी रिपुकुलारण्याग्निरूपा च या |
तस्याशशापविमुक्त मन्त्रसहितं प्रीत्याऽ धुना ब्रूहि माम् || १ ||
|| श्रीशङ्कर उवाच ||
देवि ! श्रीभगवल्लभे ! शृणु महामन्त्रं विभूतिप्रदं |
देव्या वर्मयुतं समस्त - सुखदं साम्राज्यदं मुक्तिदम् |
तारं रुद्रवधूं विरञ्चि - महिला - विष्णुप्रिया - कामयुक्
कान्ते ! श्रीबगलानने ! मम रिपुं नाशाय युग्मं त्विति || २ ||
ऐश्वर्याणि पदं च देहि युगलं शीघ्रं मनोवाञ्छितं
कार्यं साधय युग्मयुक्छिववधू वह्निप्रियन्तो मनुः |
कंसारेस्तनयं च बिजमपरा शक्तिश्च वाणी तथा
कीलं श्रीमति ! भैरवर्षिसहितं छन्दोविराट् संयुतम् || ३ ||
स्वेष्टार्थस्य परस्य वेत्ति नितरां कार्यस्य सम्प्राप्तये
नानासाध्य - महागदास्य नियतं नाशाय वीर्याप्तये |
ध्यात्वा श्रीबगलाननां मनुवरं जप्त्वासहस्त्राख्यकं
दीर्घौः षट्कयुतैश्च रूद्रमहिला बीजैर्निवेश्याङ्गके || ४ ||
|| ध्यानम् ||
सौवर्णासन - संस्थितां त्रिनयनां पितांशुकोल्लासिनीं
हेमाभाङ्गरुचिं शशाङ्कः - मुकुटां सच्चम्पकस्त्रग्युताम् |
हस्तैर्मुद्गर - पाशबद्ध - रसनां संबिभ्रतीं भूषणै
र्व्याप्ताङ्गी बगलमुखीं त्रिजगता संस्तम्भिनींचिन्तये ||
|| विनियोगः ||
ॐ अस्य श्रीबगलामुखी ब्रह्मास्त्रमन्त्रस्य भैरवऋषिविराट् छन्दः, श्रीबग्लामुखीदेवता, क्लीं बीजम्, ऐं शक्तिः , श्रीं कीलकं मम परस्य च मनोऽभिलषितेष्ट - कार्यसिद्धये विनियोगः |
|| ऋष्यादिन्यासः ||
शिरसि भैरवऋषये नमः | मुखे विराट्छन्दसे नमः | हृदि बगलामुखीदेवतायै नमः | गुह्ये क्लीं बीजाय नमः | पादयोः ऐं शक्तये नमः | सर्वाङ्गे श्रीं कीलकाय नमः |
|| करन्यासः ||
ॐ ह्रां अङ्गुष्ठाभ्यां नमः | ॐ ह्रीं तर्जनीभ्यां नमः | ॐ ह्रं मध्यमाभ्यां नमः |
ॐ ह्रैं अनामिकाभ्यां नमः | ॐ ह्रौं कनिष्ठिकाभ्यां नमः |
ॐ ह्रः करतलकरपृष्टिभ्यां नमः |
|| हृदयादिन्यासः ||
ॐ ह्रां हृदयाय नमः | ॐ ह्रीं शिरसे स्वाहा | ॐ ह्रूं शिखायै वषट् | ॐ ह्रैं कवचाय हुम् | ॐ ह्रौं नेत्रत्रयाय वौषट् | ॐ ह्रः अस्त्राय फट् |
|| मन्त्रोद्वाराः ||
ॐ ह्रौं ऐं श्रीं क्लीं श्रीबगलानने ! मम रिपून् नाशय नाशय ममैश्वर्याणि देहि देहि शीघ्रं मनोवाञ्छितकार्यं साधय साधय ह्रीं स्वाहा |
|| कवचस्य पाठः ||
शिरो में पातु ॐ ह्रीं ऐं श्री क्लीं पातुललातकम् |
सम्बोधनप्रदं पातु नेत्रे श्रीबगलानने ! || १ ||
श्रुती मम रिपुन् पातु नासिकां नाशयद्वयम् |
पातु गण्डौ सदा मामैश्वर्याण्यन्यं तु मस्तकम् || २ ||
देहि द्वन्द्वं सदा जिह्वां पातु शीघ्र वचो मम |
कण्ठदेशं स नः पातु वाञ्छितं बाहुमूलकम् || ३ ||
कार्यं साधय द्वन्द्वं तु करौ पातु सदा मम |
मायायुक्ता तथा स्वाहा हृदयं पातु सर्वदा || ४ ||
अष्टाधिकचत्वारिंशद् दण्डाढ्या बगलामुखी |
रक्षां करोतु सर्वत्र गृहेऽरण्ये सदा मम || ५ ||
ब्रह्मास्त्राख्यो मनुः पातु सर्वाङ्गे सर्वसन्धिषु |
मन्त्रराजः सदा रक्षां करोतु मम सर्वदा || ६ ||
ॐ ह्रीं पातु नाभिदेशं कटिं मे बगलाऽवतु |
मुखी वर्णद्वयं पातु लिंङ्गं में मुष्कयुग्मकम् || ७ ||
जानुनी सर्वदुष्टानां पातु में वर्णपञ्चकम् |
वाचं मुखं तथा पादं षड्वर्णा परमेश्वरी || ८ ||
जङ्घा - युग्मे सदा पातु बगला रिपुमोहिनी |
स्तम्भयेति पदं पृष्ठं पातु वर्णत्रयं मम || ९ ||
जिह्वा वर्णद्वयं पातु गुल्फो मे किलयेति च |
पादोर्ध्वं पदं पातु बुद्धि पादतले मम || १० ||
विनाशय पदं पातु पादाङ्गुल्योर्नखानि मे |
ह्रीं बीजं सर्वदा पातु बुद्धिन्द्रिवयचांसि में || ११ ||
सर्वाङ्गं प्रणवः पातु स्वाहा रोमाणि मेऽवतु |
ब्राह्मी पूर्वदले पातु चाऽग्नेय्यांविष्णुवल्लभा || १२ ||
महेशी दक्षिणे पातु चामुण्डा राक्षसेऽवतु |
कौमारी पश्चिमे पातु वायव्ये चाऽपराजिता || १३ ||
वाराही चोत्तरे पातु नारसिंही शिवेऽवतु |
ऊर्ध्वं पातु महालक्ष्मीः पाताले शारदाऽवतु || १४ ||
इत्यष्टौ शक्तयः पान्तु सायुधाश्च च वाहनाः |
राजद्वारे महादुर्गे पातु मां गणनायकः || १५ ||
श्मशाने जलमध्ये च भैरवाश्च सदाऽवतु |
द्विभुजा रक्तवसनाः सर्वाभरणभूषिताः || १६ ||
|| फलश्रुतिः ||
योगिन्यः सर्वदा पान्तु महारण्ये सदा मम |
इति ते कथितं देवि ! कवचं परमाद्भुतम् || १७ ||
श्रीविश्वविजयं नाम कीर्ति - श्री - विजयप्रदम् |
अपुत्रो लभते पुत्रं धीरं शूरं शतायुषम् || १८ ||
निर्धनो धनमाप्नोति कवचस्याऽस्य पाठतः |
जपित्वा मन्त्रराजं तु ध्यात्वा श्रीबगलामुखीम् || १९ ||
पठेदिदं हि कवचं निशायां नियमात्तु यः |
यत् यद् कामयते कामं साध्याऽसाध्ये महीतले || २० ||
तत्तत्काममवाप्नोति सप्तरात्रेण शाङ्करि ! |
गुरुं ध्यात्वा सुरां पीत्वा रात्रौ शक्तिसमन्वितः || २१ ||
कवचं यः पठेद् देवि ! तस्याऽसाध्यं न किञ्चन |
यं ध्यात्वा प्रजपेन्मन्त्रं सहस्त्रं कवचं पठेत् || २२ ||
त्रिरात्रेण वशं याति मृत्युं तं नाऽत्र संशयः |
लिखित्वा प्रतिमां शत्रोः स - तालेन हरिद्रया || २३ ||
लिखित्वा हृदि तन्नाम तं ध्यात्वा प्रजपेन्मनुम् |
एकविंशाद्दिनं यावत् प्रत्यहं च सहस्त्रकम् || २४ ||
जप्त्वा पठेत्तु कवचं चतुर्विंशतिवारकम् |
संस्तम्भो जायते शत्रोर्नाऽत्र कार्या विचारणा || २५ ||
विवादे विजयस्तस्य सङ्ग्राम जयमाप्नुयात् |
श्मशाने च भयं नास्ति कवचस्य प्रभावतः || २६ ||
नवनीतं चाऽभिमन्त्र्य स्त्रीणां दद्यन् महेश्वरि |
वन्ध्यायां जापते पुत्रो विद्या - बल - समन्वितः || २७ ||
श्मशानाङ्गारमादाय भौमे रात्रौ शनावथ |
पदोदकेन स्पृष्ट्वा च लिखेल्लौह - शलाकया || २८ ||
भूमौ शत्रोः स्वरुपं च हृदि नाम समालिखेत् |
हस्तं तद्धृदये दत्वा कवचं तिथि - वारकम् || २९ ||
ध्यात्वा जपेन्मन्त्रराजं नवरात्रं प्रयत्नतः |
म्रियते ज्वरदाहेन दशमेऽह्रि न संशयः || ३० ||
भूर्जपत्रेष्विदं स्तोत्रमष्टगन्धेन संलिखेत् |
धारयेद्दक्षिणे बाह्वो नारी वामभुजे तथा || ३१ ||
सङ्ग्रामे जयमाप्नोति नारी पुत्रवती भवेत् |
ब्रह्मास्रादीनि शस्त्राणि नैवा कृन्तन्ति तंजनम् || ३२ ||
सम्पूज्य कवचं नित्यं पूजायाः फलमालभेत् |
बृहस्पतिसमो वाऽपि विभवे ढंडोपमः || ३३ ||
कामतुल्यश्च नारीणां शत्रूणां च यमोपमः |
कवितालहरी तस्य भवेद् गङ्गाप्रवाहवत् || ३४ ||
गद्य - पद्यमयी वाणी भवेद् देवीप्रसादतः |
एकादशशतं यावत्पुरश्चरणमुच्यते || ३५ ||
पुरश्चर्याविहीनं तु न चेदं फलदायकम् |
न देयं परशिष्येभ्यो दुष्टेभ्यश्च विशेषतः || ३६ ||
देयं शिष्याय भक्त्ताय पञ्चत्वं चाऽन्यथाऽऽप्नुयात् |
इदं कवचमज्ञात्वा भवेद् यो बगलामुखीम् |
शतकोटि जपित्वाऽपि तस्य सिद्धिर्न जायते || ३७ ||
दारढ्यो मनुजोऽस्य लक्षजपतः प्राप्नोति सिद्धिं परां
विद्यां श्रीविजयं तथा सुनियतं धीरं च वीरं वरम् |
ब्रह्मास्त्राख्यमनुं विलिख्य नितरां भूर्जेऽष्टगन्धेन वै |
धृत्वा राजपुरं व्रजन्ति खलु ये दासोऽस्ति तेषां नृपः || ३८ ||
|| अस्तु ||