श्री विष्णु षोडश नाम स्तोत्र | shri vishnu shodash nama stotram |

 

श्री विष्णु षोडश नाम स्तोत्र

 श्री गणेशाय नमः |

श्री विष्णु षोडश नाम स्तोत्र

औषधे चिन्तयेद्विष्णूं भोजने च जनार्दनम् |

शयने पद्मनाभं च विवाहे च प्रजापतिम् || १ ||

युद्धे चक्रधरं देवं प्रवासे च त्रिविक्रमम् |

नारायणं तनुत्यागे श्री धरं प्रियसंगमे || २ ||

दुःस्वप्ने स्मर गोविन्दं संकटे मधुसुदनम् |

कानने नारसिंहं च पावके जलशायिनम् || ३ ||

जलमध्ये वराहं च पर्वते रघुनन्दनम् |

गमने वामनं चैव सर्वकार्येषु माधवम् || ४ || 

षोडशैतानि नामानि प्रातरूत्थाय यः पठेत् | 

सर्वपापविनिर्मुक्तो विष्णुलोके महीयते || ५ || 

|| श्री विष्णोः षोडशनाम स्तोत्रं सम्पूर्णम्  ||