ads

ध्रुवकृत भगवत्स्तुति | Dhruv Krit Bhagvatstuti |

 

ध्रुवकृत भगवत्स्तुति 

ध्रुवकृत भगवत्स्तुति 


ध्रुव उवाच 

योऽन्तः प्रविश्य मम वाचमिमां प्रसुप्तां 
सञ्जीवयत्यखिलशक्तिधरः स्वधाम्ना | 
अन्यांश्च हस्तचरणश्रवणत्वगादीन् 
प्राणान्नमो भगवते पुरुषाय तुभ्यम् || १ || 

एकस्त्वमेव भगवन्निदमात्मशक्त्या 
मायाख्ययोरुगुणया महदाद्यशेषम् | 
सृष्ट्वानुविश्य  पुरुषस्तदसद्गुणेषु 
नानेव दारुषु विभावसुवद् विभासि || २ || 

त्वद्दत्तया वयुनयेदमचष्ट विश्वं 
सुप्तप्रबुद्ध इव नाथ भवत्प्रपन्नः | 
तस्याप्रवर्ग्यशरणं तव पादमूलं 
विस्मर्यते कृतविदा कथमार्तबन्धो || ३ || 

नूनं विमुष्टमतयस्तव मायया ते 
ये त्वां भवाप्ययविमोक्षणमन्यहेतोः | 
अर्चन्ति कल्पकतरूं कुणपोपभोग्य 
मिच्छन्ति य त्स्पर्शजं निरयेऽपि नॄणाम् || ४ || 

या निर्वृतिस्तनुभृतां तव पादपद्म 
ध्यानाद् भवज्जनकथाश्रवणेन वा स्यात् | 
सा ब्रह्मणि स्वमहिमन्यपि नाथ मा भूत् 
किं त्वन्तकासिलुलितात् पततां विमानात् || ५ || 

भक्तिं मुहुः प्रवहतां त्वयि मे प्रसङ्गो
भूयादनन्त महताममलाशयानाम् | 
येनाञ्जसोल्बणमुरुव्यसनं भवाब्धिं 
नेष्ये भवद्गुणकथामृतपानमत्तः || ६ || 

ते न स्मरन्त्यतितरां प्रियमिश मर्त्यं 
ये चान्वदः सुतसुहृद्गृहवित्तदाराः | 
ये त्वब्जनाभ भवदीयपदारविन्द 
सौगन्ध्यलुब्धहृदयेषु कृतप्रसङ्गः || ७ || 

तिर्यङ्नगद्विजसरीसृपदेवदैत्य 
मर्त्यादिभिः परिचितं सदसद्विशेषम् | 
रुपं स्थविष्ठमज ते महदाद्यनेकं 
नातः परं परम वेद्मि न यत्र वादः || ८ || 

कल्पान्त एतदखिलं जठरेण गृह्णन् 
शेते पुमान् स्वदृगनन्तसखस्तदड्कें | 
यन्नाभिसिन्धुरुहकाञ्चनलोकपद्म 
गर्भे द्युमान् भगवते प्रणतोऽस्मि तस्मै || ९ || 

त्वं नित्यमुक्त परिशुद्धविबुद्ध आत्मा 
कूटस्थ आदिपुरुषो भगवास्त्रयधिशः | 
यद् बुद्व्यवस्थितिमखाण्डितया स्वदृष्ट्या 
द्रष्टा स्थितावधिमखो व्यतिरिक्त आस्से || १० || 

यस्मिन् विरुद्धगतयो ह्यनिशं पतन्ति 
विद्यादयो विविधशक्तय आनुपूर्व्यात् | 
तद् ब्रह्म विश्वभवमेकमनन्तमाद्य
मानन्दमात्रमविकारमहं प्रपद्ये || ११ || 


|| अस्तु || 
    
                
ध्रुवकृत भगवत्स्तुति | Dhruv Krit Bhagvatstuti | ध्रुवकृत भगवत्स्तुति | Dhruv Krit Bhagvatstuti | Reviewed by karmkandbyanandpathak on 1:46 AM Rating: 5

No comments:

Powered by Blogger.