गौरीश्वर स्तुतिः
 |
| गौरीश्वर स्तुतिः |
दिव्यं वारि कथं यतः सुरधुनी मौलौ कथं पावको
दिव्यं तद्धि विलोचनं कथमहिर्दिव्यं स चाङ्गे तव |
तस्माद् द्यूतविधौ त्वयाऽद्य मुषितो हारः परित्यज्यता
मित्यं शैलभुवा विहस्य लपितः शम्भुः शिवायास्तुवः || १ ||
श्रीकण्ठस्य सकृत्तिकार्द्रभरणी मूर्तिः सदा रोहिणी
ज्येष्ठा भाद्रपदा पुनर्वसुयुता चित्रा विशाखान्विता |
दिश्यादक्षतहस्तमूलघटिताषाढा मघालङ्कता
श्रेयो वै श्रवणान्विता भगवतो नक्षत्रपालीव वः || २ ||
एषा ते हर का सुगात्रि कतमा मूर्घ्नि स्थिता किं जटा
हंसः किं भजते जटां नहि शशी चन्द्रो जलं सेवते |
मुग्धे भूतिरियं कुतोऽत्र सलिलं भूतिस्तरङ्गायते
एवं यो विनिगूहते त्रिपथगां पायात् स वः शङ्करः || ३ ||
|| इति गौरीश्वर स्तुतिः सम्पूर्णा ||
Tags:
Stotra