शिव ताण्डव स्तुति
 |
| शिव ताण्डव स्तुति |
देवा दिक्पतयः प्रयात परतः मुच्चताम्भोमचः |
पातालं व्रज मेदिनि प्रविशत क्षोणीतलं मुधराः |
ब्रह्मन्नुन्नय दुरमात्मभुवनं नाथस्य नो नृत्यतः
शम्भोः संकटमेतदित्यवतु वः प्रोत्सारणा नन्दिनः || १ ||
दोर्दण्डद्वयलीलयाचलगिरिभ्राम्यत्तदुच्चै रव
ध्वानोद्भीतजगद्भ्रमत्पदभरालोलत्फणाग्र्योरगम् |
भृङ्गापिङ्गजटाटवीपरिसरोद्गङ्गोर्मिमालाचल
च्चन्द्रं चारु महेश्वरस्य भवतान्नः श्रेयसे ताण्डवम् || २ ||
संध्याताण्डवडम्बरव्यसनिनो भर्गस्य चण्डभ्रमि
व्यानृत्यद्भुजदण्डमण्डलभुवो झञ्झानिलाः पान्तु वः |
येषामुच्छलतां जवेन झटिति व्यूहेषु भूमिभृता
मुड्डीनेषु विडौजसा पुनरसौ दम्भोलिरालोकिता || ३ ||
शर्वाणीपाणितालैश्चलवलयझणत्कारिभिः श्लाध्यमानं
स्थाने सम्भाव्यमानं पुलकितवपुषा शम्भुना प्रेक्षकेण |
खेलत्पिच्छालिकेकाकलकलकलितं क्रौञ्चभिद्बर्हियूनो
हेरम्बाण्डबृंहातरलितमनसस्ताण्डवं त्वा धुनोतु || ४ ||
देवस्त्रैगुण्यभेदात् सृजति वितनुते संहरत्येष लोका
नस्यैव व्यापिनीभिस्तनुभिरपि जगद्व्याप्तमष्टाभिरेव |
वन्द्यो नास्येति पश्यन्निव चरणगतः पातु पुष्पञ्जलिर्वः
शम्भोर्नृत्यावतारे वलयफणिफणाफूत्कृतैर्विप्रकीर्णः || ५ ||
|| इति शिवताण्डव स्तुतिः सम्पूर्णः ||
Tags:
Stotra