मनसा देवी स्तोत्र | Mansa Devi Stotra

 

मनसा देवी स्तोत्र

मनसा देवी स्तोत्र

देवि त्वां स्तोतुमिच्छामि साध्विनां प्रवरां पराम् |

परात्परां च परमां नहि ज्ञातुं क्षमोऽधुना ||

स्तोत्राणां लक्षणं वेदे स्वभावाख्यानतः परम् |

न क्षमः प्रकृतिं वक्तुं गुणानां तव सुव्रते ||

शुद्धसत्त्स्वरुपा त्वं कोपहिंसाविवर्जिता |

न च शप्तो मुनिस्तेन त्यत्क्या च त्वया यतः ||

त्वं मया पूजिता साध्वी जननी च यथाऽदितिः |

दयारुपा च भगिनी क्षमारुपा यथा प्रसूः ||

त्वया मे रक्षिताः प्राणाः पुत्रदाराः सुरेश्वरिः |

अहं करोमि त्वां पूज्यां मम प्रीतिश्च वर्धते ||

नित्यं यद्यपि पूज्या त्वं भवेऽव जगदम्बिके |

तथाऽपि तव पूजां वे वर्धयामि पुनः पुनः ||

ये त्वामाषाढसंक्रांत्यां पूजयिष्यन्ति भक्तितः |

पंचम्यां मनसाख्यायां मासान्ते वा दिने दिने ||

पुत्रपौत्रादयस्तेषां वर्धन्ते च धनानि च |

यशस्विनेः कीर्तिमन्तो विद्यावन्तो गुणान्विताः ||

ये त्वां न पूजयिश्यन्ति नन्दंत्यज्ञानतो जनाः |

लक्ष्मीहीना भविष्यन्ति तेषां नागभयं सदा ||

त्वं स्वर्गलक्ष्मीः स्वर्गे च वैकुंठे कमलाकला |

नारायणांशो भगवान् जरत्कारुर्मुनीश्वरः ||

तपसा तेजसा त्वां च मनसा ससृजे पिता |

अस्माकं रक्षणायैव तेन त्वं मनसाभिधा ||

मनसा देवितुं शक्ता चाऽऽत्मना सिद्धयोगिनी |

तेन त्वं मनसादेवी पूजिता वंदिता भवे ||

यां भक्त्या मनसा देवाः पूजयन्त्यनिशं भृशम् ||

तेना त्वां मनसादेवी प्रवदन्ति पुराविदः |

सत्त्वरुपा च देवी त्वं शश्वत्सत्त्वनिषेवया ||

यो हि यद्भावयेन्नित्यं शतं प्राप्नोति तत्समम् |

इदं  स्तोत्रं पुण्यबीजं तां संपूज्य च यः पठेत् ||

तस्य नागभयं नास्ति तस्य वंशोद्भवस्य च |

विषं भवेत्सुधातुल्यं सिद्धस्तोत्रं सदा पठेत् ||

पञ्चलक्षजपेनैव सिद्धस्तोत्रो भवेन्नरः |

सर्पशायी भवेत्सोऽपि निश्चितं सर्पवाहनः ||

|| इति श्री ब्रह्मवैवर्तपुराणे महेन्द्रकृतं मनसास्तोत्रं संपूर्णम् ||