|| षोडश मातृका मन्त्र ||
 |
| षोडश मातृका मन्त्र |
गौरी पद्मा शची मेधा सावित्री विजया जया
देवसेना स्वधा स्वाहा मातरो लोकमातरः |
धृतिः पुष्टिस्तथा तुष्टिरात्मनः कुलदेवता
गणेशेनाधिका ह्येता वृद्धौ पूज्याश्च षोडश: ||
पूज्याम्यऽहं देवि योगिनी परमेश्वरी |
योगाभ्यासेन संतुष्टा परं ध्यान समन्वित ||
|| सप्तघृतमातृका - पूजन मन्त्र ||
श्री: लक्ष्मी धृतिर्मेधा स्वाहा प्रज्ञा सरस्वती |
माङ्गल्येषु प्रपूज्यन्ते सप्तैता घृतमातरः ||
|| सप्तघृतमातृका - पूजन मन्त्र ||
या सा पद्मासनस्था विपुलकटितटी पद्मपत्रायताक्षी
गम्भीरावर्तनाभिः स्तनभरनमिता शुक्रवस्त्रोत्तरीया |
या लक्ष्मीर्दिव्यरुपैर्मणिगणखचितैः स्नापिता हेमकुम्भैः
सा नित्यं पद्महस्ता मम वसतु गृहे सर्वमाङ्गल्ययुक्ता || १ ||
ब्राह्मणी कमलेन्दुसौम्यवदना माहेश्वरी लीलया
कौमारी रिपुदर्पनाशनकरी चक्रायुधा वैष्णवी |
वाराही धनघोरघर्घमुखी चैन्द्री च वैज्रायुधा
चामुण्डा गणनाथरुद्रसहिता रक्षन्तु नो मातरः || २ ||
|| नवग्रह मण्डल पूजन ||
सूर्यः शौर्य मथेन्दु रुच्च पदवी संमङ्गलं मङ्गलः सदबुद्धि च बुधो
गुरुश्च गुरुता शुक्रः सुखं सं शनि, राहुर्बाहु बलं करोतु सततं
केतुः कुलस्योन्नतिं, नित्यं प्रीति करा भवन्तु
मम ते सर्वेऽनुकूला ग्रहाः ||
|| क्षेमपाल पीठ पूजन मन्त्र ||
यं यं यं यक्षरूपं दशदिशिविदितं भूमिकम्पायमानं
सं सं संहारमूर्तिं शिरमुकुटजटा शेखरंचन्द्रबिम्बम् |
दं दं दं दीप्तकायं विकृतनख मुखं चोर्ध्व रेखा कपालं
पं पं पं पापनाशं प्रणत पशुपतिं क्षेमपालं नमामि ||
|| सर्वतोभद्रमण्डल पूजन मन्त्र ||
यं ब्रह्मावरुणेन्द्ररुद्रमरुतः स्तुवन्ति दिव्यैः स्तवैः
र्वेदैः साङ्गपदक्रमोपनिषदैर्गायन्ति यं सामगाः |
ध्यानावस्तित तद्गतेन मनसा पश्यन्ति यं योगिनी
यस्यान्तं न विदुः सुरासुरगणा देवाय तस्मै नमः ||